Síðasta mót keppnistímabilsins á Íslandi fór fram laugardaginn 2. maí 2009. Þátttakenndur voru 73 frá 6 félögum og Ármenningar stóðu sig að vanda vel.  Aron Gylfi Svavarsson vann til gullverðlauna í flokki U17 -73kg, Jóhann Karl Hallsson í U17 -81kg og Stefán Ingi Ómarsson í U20 -60kg.  Aðrir verðlaunahafar úr röðum Ármenninga voru Valdimar Miguel Þórsson (U13, -42kg) og Elías Örn Halldórsson (U15, -66kg) með silfur og Gunnar Sundby (U13, -42kg), Ísak Örn Ívarsson (U13, -46kg), Elís Mar Guðnýjarson (U15, -55kg), Kristján Örn Hansson (U15, -60kg) og Marcin Janebowicz (U20, -55kg) fengu brons. Öll nánari úrslit má sjá hér að neðan.

Ármenningar komu sáu og sigruðu á fyrri hluta Íslandsmóti JSÍ sem fram fór í kvöld (24.4.2009). Flest gullverðlaun allra liða eða 7 féllu í skaut Ármenninga og þeir sigruðu í öllum þeim flokkum sem þeir tóku þátt í.  Margrét Bjarnadóttir sigraði í -63kg flokki kvenna og fékk brons í opna flokkunum. Soffía Víkingsdóttir hélt sigurgöngu sinni áfram og sigraði í -70kg flokki kvenna og síðan opna flokkin líka eftir spennandi glímu við Gígju Guðbrandsdóttur.  Einn af hápunktum kvöldsins var þegar Sveinbjörn Jun Iura sigraði í Jón Þór Þórarinsson í úrslitaglímu í -81kg flokki. Bjarni Skúlason sigraði í -90kg flokki og Guðmundur Sævarsson sigraði í -100kg flokki.  Annar af hápunktum kvöldsins var þegar Þorvaldur Blöndal sigraði í Þórmóð Jónsson í úrslitaglímu í +100kg flokki. Myndir frá fyrri hluta mótsins má sjá hérna.

Vormót JSÍ fór fram síðastliðinn laugardag, 4.4.2009 í Skelli. Ármenningar stóðu sig að vanda vel og unnu m.a. til fernra gullverðlauna.  Gullverðlaunahafar Ármenninga voru þau Anna Soffía Víkingsdóttir, Stefán Ingi Ómarsson, Vignir Grétar Stefánsson og Bjarni Skúlason.  En Rihard Jansons, Birgir Páll Ómarsson, Guðmundur Sævarsson unnu allir til silfurverðlauna og Björn Sigurðsson fékk brons. Myndir frá keppninni má sjá hérna en myndbandssyrpu má sjá að neðan.  Einnig eru úrslit flestra flokka birt hér að neðan en þau verða uppfærð um leið og JSÍ birtir þau.