Aðalfundur Júdódeildar Ármanns fyrir starfsárið 2009-2010 var haldinn í hátíðarsal Laugabóls 25.2.2010. Kynnt var skýrsla stjórnar sem finna má hér, reikningar deildarinnar kynntir og kjörin stjórn fyrir næsta starfsár.

Hin frækna júdókona Anna Soffía Víkingsdóttir úr Ármanni heldur áfram að gera það gott. Í dag var tilkynnt um 11 íþróttamenn sem tilnefndir hafa verið sem íþróttamenn Reykjavíkur 2009 og eins og búast mátti við var Anna Soffía þar á meðal.

Önnu Soffíu er heiður sýndur með tilnefningunni og er ánægjulegt að sjá að árangur hennar vekur athygli utan júdóheimsins sem innan.

 Einnig er ánægjulegt að Anna Soffía er ekki eini Ármenningurinn sem hlýtur tilnefningu, heldur eru þeir þrír úr þessum ellefu manna hópi og allt eru það kvenmenn. Það er því augljóst að enginn skortur er á kvenskörungum í okkar öfluga og vaxandi félagi.

Þá er og gleðiefni að í þessum hóp eru tveir júdómenn því JR-ingurinn Þormóður Árni Jónsson er einnig tilnefndur.

Nöfn þeirra sem eru tilnefndir: