Seinni hluti Reykjavíkurmótsins fór fram í gær (25.10.2008) í ÍR húsinu.  Mótið var frekar fámennt en fór vel fram.  Einstaklega fámennt var í röðum Ármenninga og raunar var Anna Soffía Víkingsdóttir eini keppandi okkar í fullorðinsflokki.  En þeir sem tóku þátt stóðu sig mjög vel.  Rihard Jansons sigraði örugglega í sínum flokki (TD-60)

og Anna Soffía einnig (K-78) eftir tvær harðar rimmur við Árdísi Ósk Steinarsdóttur (JR) og þeir Róbert Óliver Bjarnason og Alexander Áki Einarsson unnu til bronsverðlauna (BD-50).

Sería af myndum af mótinu má sjá hérna.  Einnig má geta þess að sjónvarpið var á staðnum og fjallaði aðeins um mótið í sjónvarpsfréttum kl. 19 25.10.2008 (sjá hérna).

Smelltu á "lesa meira" til að sjá töflu með endanlegum úrslitum mótsins

Í haust tók Þorvaldur Blöndal þjálfari meistaraflokks uppá því að taka kerfisbundið upp glímur hjá félögum í JDÁ. Þessu er síðan safnað saman og nýtt við æfingar, bæta úr því sem betur mætti fara og nýta það sem vel gengur. Bræðurnir Birgir Páll og Stefán Ingi Ómarssynir hafa nú sett saman 2 flott myndbönd úr upptökum frá haustmóti JSÍ þar sem Ármenningar fóru á kostum eins og áður hefur komið fram.  Smelltu á "lesa meira" til að horfa á þessi myndbönd.

Haustmót JSÍ var haldið um helgina hjá Júdódeild Ármanns. Margar spennandi viðureignir voru háðar og megum við Ármenningar vera stoltir af okkar fólki. Að þessu sinni var það yngri kynslóðin sem hélt merki okkar á lofti en í hóp okkar vantaði gamla jaxla á borð við Vigni, Valda, Bjarna Skúla o.fl.