Það var góður dagur hjá Ármenningum í dag þegar Ásdís Hjálmsdóttir spjótkastari var kjörin Íþróttamaður Reykjavíkur árið 2009. Tvær aðrar Ármannsfreyjur, júdókonan Anna Soffía Víkingsdóttir og frjálsíþróttakonan Helga Margrét Þorsteinsdóttir, voru einnig tilnefndar. Kjörinu var lýst af Hönnu Birnu Kristjánsdóttur borgarstjóra í Höfða í dag.

Hin frækna júdókona Anna Soffía Víkingsdóttir úr Ármanni heldur áfram að gera það gott. Í dag var tilkynnt um 11 íþróttamenn sem tilnefndir hafa verið sem íþróttamenn Reykjavíkur 2009 og eins og búast mátti við var Anna Soffía þar á meðal.

Önnu Soffíu er heiður sýndur með tilnefningunni og er ánægjulegt að sjá að árangur hennar vekur athygli utan júdóheimsins sem innan.

 Einnig er ánægjulegt að Anna Soffía er ekki eini Ármenningurinn sem hlýtur tilnefningu, heldur eru þeir þrír úr þessum ellefu manna hópi og allt eru það kvenmenn. Það er því augljóst að enginn skortur er á kvenskörungum í okkar öfluga og vaxandi félagi.

Þá er og gleðiefni að í þessum hóp eru tveir júdómenn því JR-ingurinn Þormóður Árni Jónsson er einnig tilnefndur.

Nöfn þeirra sem eru tilnefndir: